మట్వాడ పోలీస్ స్టేషన్‌లో ఘనంగా రక్షాబంధన్ వేడుకలు

వరంగల్ మట్వాడ పోలీస్ స్టేషన్‌లో రక్షాబంధన్ వేడుకలను ఘనంగా నిర్వహించారు. పోలీస్ స్టేషన్‌లోని మహిళా పోలీస్ అధికారులు, ఇతర అధికారులు, సిబ్బంది కలిసి రక్షాబంధన్ పండుగను జరుపుకున్నారు.
ఈ సందర్భంగా అధికారులు, సిబ్బంది పరస్పరం రాఖీలు కట్టుకుని రక్షాబంధన్ శుభాకాంక్షలు తెలియజేసుకున్నారు. పోలీస్ కుటుంబంలో సోదరభావం, పరస్పర గౌరవం, ఐక్యత, స్నేహభావాన్ని చాటేలా వేడుకలు నిర్వహించారు.
రక్షాబంధన్ పండుగ స్ఫూర్తితో పోలీస్ సిబ్బంది మధ్య నమ్మకం, పరస్పర సహకారం, ఐక్యత మరింత బలపడాలని ఆకాంక్షించారు. వేడుకలు ఆహ్లాదకర వాతావరణంలో కొనసాగాయి.