హన్మకొండలో అక్టోబర్ 11న భారీ అబ్‌స్ట్రాక్ట్ ఆర్ట్ ఫెస్టివల్

హన్మకొండలో అక్టోబర్ 11న భారీ అబ్‌స్ట్రాక్ట్ ఆర్ట్ ఫెస్టివల్

• అక్టోబర్ 10లోగా పేర్లు నమోదు చేసుకోవాలి

• పాల్గొనే పిల్లలందరికీ సర్టిఫికేట్, మెడల్, స్పెషల్ గిఫ్ట్

హన్మకొండ, కిషన్‌పుర:
సాగంటీస్ ఆర్ట్స్ అకాడమీ & హెల్పింగ్ సొసైటీ ఆధ్వర్యంలో హన్మకొండలో భారీ అబ్‌స్ట్రాక్ట్ ఆర్ట్ ఫెస్టివల్ (Massive Abstract Art Festival) నిర్వహించనున్నారు. ఈ రంగుల వేడుక అక్టోబర్ 11, 2026 (ఆదివారం) ఉదయం 10:00 గంటలకు కిషన్‌పురలోని మాస్టర్జీ స్కూల్ ఆవరణలో ప్రారంభం కానుంది. ఈ పోటీల్లో పాల్గొనదలిచిన విద్యార్థులు అక్టోబర్ 10వ తేదీ లోపు తమ పేర్లను నమోదు చేసుకోవాలని నిర్వాహకులు తెలిపారు.
ఈ కార్యక్రమానికి సంబంధించిన వివరాలను సంస్థ డైరెక్టర్ డాక్టర్ మంజుల సాగంటీ వెల్లడించారు. నర్సరీ నుండి 10వ తరగతి చదువుతున్న విద్యార్థులందరికీ ఈ పోటీల్లో ప్రవేశం ఉంటుందని ఆమె తెలిపారు. చిత్రలేఖనంలో ముందస్తు నైపుణ్యం లేకపోయినా, రంగులపై ఆసక్తి, కల్పనా సామర్థ్యం ఉన్న ప్రతి ఒక్కరూ ఇందులో పాల్గొనవచ్చని పేర్కొన్నారు.

ప్రధాన ఆకర్షణలు:
• 100 మంది పిల్లలు - ఒకే పెద్ద కాన్వాస్: కేవలం ఒక గంట వ్యవధిలో 100 మంది విద్యార్థులు కలిసి ఒకే పెద్ద కాన్వాస్‌పై ఒక అద్భుతమైన కళాఖండాన్ని సృష్టించనున్నారు.

• మెటీరియల్ సరఫరా: పోటీకి కావలసిన చార్టులు, రంగులు సంస్థ అందిస్తుంది.
•
బహుమతులు: పాల్గొనే ప్రతి విద్యార్థికి ప్రత్యేకంగా మెగా ఆర్టిస్ట్ సర్టిఫికేట్‌తో పాటు మెడల్ మరియు స్పెషల్ గిఫ్ట్ అందజేయబడుతుంది.

కళలపై ఆసక్తి ఉన్న విద్యార్థులు, తల్లిదండ్రులు ఈ సువర్ణ అవకాశాన్ని సద్వినియోగం చేసుకోవాలని నిర్వాహకులు కోరారు. పేర్ల నమోదు మరియు మరిన్ని వివరాల కోసం 8143643337 నంబర్‌లో సంప్రదించవచ్చని తెలిపారు.